پاکستان کسٹمز نے ایک کروڑ روپے مالیت کا سونا اسمگل کرنے کی کوشش ناکام بنا دی۔
کسٹم حکام کے مطابق نظام الدین نامی مسافر دبئی سے امارات ایئرلائن کی پرواز ای کے 606 کے ذریعے کراچی پہنچا تھا۔
حکام کے مطابق مسافر نے کسی بھی ممنوعہ اور قابل قبول اشیاء کی موجودگی سے انکار کیا۔ مسافر کے جواب سے مطمئن نہ ہونے پر سامان اسکین کیا گیا اور اس کے سامان میں سونے کے زیورات کی نشاندہی کی گئی جس پر مسافر کا سامان ضبط کر لیا گیا۔ کسٹم کا عملہ امتحانی کاؤنٹر پر پہنچا اور مسافر کی موجودگی میں سامان کا تفصیلی معائنہ کیا اور اس سے سونے کے زیورات کے بارے میں پوچھ گچھ کی لیکن مسافر تسلی بخش جواب نہ دے سکا۔
کسٹم عملے نے برآمد شدہ زیورات کو اپنی تحویل میں لے لیا۔
زیورات کا کل وزن 49 تولے ہے اور اس کی مجموعی قیمت ایک کروڑ 10 لاکھ 47 ہزار روپے ہے۔ ملزمان کے خلاف کسٹم ایکٹ کے تحت قانونی کارروائی کی جارہی ہے۔