مچھلی کھائیں، اپنی صحت کو بہتر بنائیں

موسم سرما اکثریت کا پسندیدہ ہوتا ہے جس میں وہ خشک میوہ جات,مچھلی سمیت دیگر پسندیدہ کھانوں سے لطف اندوز ہوتے ہیں۔

اس موسم میں مچھلی کھانا بھی ہر کسی کو اپنی طرف متوجہ کرتا ہے سوائے ان لوگوں کے جو سمندری غذا کی طرف راغب نہیں ہوتے۔

غذائیت کے لحاظ سے مچھلی انسانی جسم کے لیے بہت مفید ہے۔ مچھلی میں پروٹین کی مقدار سب سے زیادہ ہوتی ہے جو ہڈیوں اور دل کی صحت کا بہترین ذریعہ ہے۔

مچھلی کی اقسام جیسے سالمن ، سارڈین ، ٹونا ، ہیرنگ ، میکرل ، یا لیک ٹراؤٹ صحت مند اومیگا 3 فیٹی ایسڈ سے بھرپور ہیں۔

پروٹین کے علاوہ مچھلی وٹامن ڈی، کیلشیم، فاسفورس، بی وٹامنز، آئرن، زنک، آیوڈین، میگنیشیم اور پوٹاشیم جیسے غذائی اجزاء کا بھی بہترین ذریعہ ہے۔

اومیگا فیٹی ایسڈ سے بھرپور

مچھلی اومیگا فیٹی ایسڈ سے بھرپور ہوتی ہے جو دل کی بیماریوں کے خطرے کو کم کرتی ہے۔ اپنی غذا میں مچھلی کو شامل کرنے سے دل کی بیماری ، ٹرائی گلیسرائڈ کی سطح کو کم کرنے اور کم بلڈ پریشر کو روکنے میں مدد مل سکتی ہے۔

دماغی صحت

مچھلی میں موجود اومیگا فیٹی ایسڈ دماغی صحت کو برقرار رکھنے کے لئے اہم ہیں۔ مچھلی کا استعمال اومیگا 3 فیٹی ایسڈ کی خون کی سطح کو منظم کرکے دماغی صحت کو فروغ دیتا ہے۔

کولیجن سے بھرپور

مچھلی کولیجن کا ایک بہترین ذریعہ ہے. مچھلی میں کولاجن جلد کے لئے ضروری سمجھا جاتا ہے. یہ جلد پر جھریوں اور لکیروں کو دور رکھنے میں بھی مؤثر ہے۔

میٹابولک سنڈروم کی روک تھام

مچھلی ان فوائد سے مالا مال ہے جو میٹابولک سنڈروم کے خطرات کو کم کرتے ہیں۔ ہفتے میں ایک بار مچھلی کا استعمال لیپوپروٹین (ایچ ڈی ایل) کولیسٹرول میں اضافہ کرتا ہے جبکہ ٹرائی گلیسرائڈز کو کم کرتا ہے۔

مضبوط ہڈیاں

مضبوط ہڈیوں کے لیے مچھلی ایک اہم غذا سمجھی جاتی ہے۔ وٹامن ڈی اور کیلشیم کی وافر مقدار بڑھاپے میں ہڈیوں کے مسائل پیدا ہونے سے روکتی ہے۔

وزن میں کمی

مچھلی میں پایا جانے والا پروٹین وزن کم کرنے کے لیے بہت مفید ہے۔ مچھلی میں پروٹین زیادہ ہوتا ہے لیکن چربی اور کیلوریز کم ہوتی ہیں۔