29.9 C
Karachi
Saturday, February 24, 2024

اسرائیلی فورسز کی خونریز کارروائیاں نہ رک سکیں، مزید 215 فلسطینی شہید

ضرور جانیے

غزہ: (ویب ڈیسک) غزہ میں صیہونی فوج کی خونریز کارروائیاں جاری ہیں، 24 گھنٹوں میں مزید 215 فلسطینی شہید ہوگئے۔

میڈیا رپورٹس کے مطابق اسرائیلی فوج نے شمالی غزہ میں اقوام متحدہ کے ریلیف اینڈ ورکس ایجنسی کے پناہ گزین اسکول کا محاصرہ کر لیا، گولہ باری اور فائرنگ سے 10 فلسطینی شہید ہوگئے۔

قابض فوج کی جارحیت مغربی کنارے میں بھی نہ رک سکی، مختلف علاقوں میں کارروائیوں کے دوران مزید 5 فلسطینی شہید ہوگئے، صیہونی فوج نے بمباری میں نور شمس کیمپ میں بجلی اور پانی کی لائنیں تباہ کردیں جب کہ بلڈوزروں نے تلکریم سمیت مختلف علاقوں کو تباہ کردیا۔ میں سڑکوں کو پھاڑ دیتا ہوں۔

24 گھنٹوں کے دوران 215 فلسطینی اسرائیلی دہشت گردی کا نشانہ بن چکے ہیں جس کے بعد 7 اکتوبر سے اب تک شہدا کی مجموعی تعداد 26 ہزار 650 تک جا پہنچی ہے جب کہ 65 ہزار سے زائد فلسطینی زخمی ہیں۔

خبر رساں اداروں کے مطابق اسرائیلی فوج کی جانب سے علاء امل اور ناصر اسپتالوں کا محاصرہ نویں روز بھی جاری ہے۔

اسرائیلی فوج نے شام کے دارالحکومت دمشق میں ایرانی حمایت یافتہ گروہوں کے ٹھکانوں پر بھی حملہ کیا جس کے نتیجے میں 6 افراد ہلاک ہوگئے۔

دوسری جانب اسرائیلی وزیر اعظم بینجمن نیتن یاہو نے ایک بار پھر امدادی ادارے کو تنقید کا نشانہ بناتے ہوئے اس کے عدم تعاون پر زور دیا ہے۔

پسندیدہ مضامین

انٹرنیشنلاسرائیلی فورسز کی خونریز کارروائیاں نہ رک سکیں، مزید 215 فلسطینی شہید