بھارت کے دارالحکومت نئی دہلی میں ایک عجیب و غریب واقعہ پیش آیا جہاں ایک گاہک کی جانب سے مومو کے ساتھ اضافی چٹنی مانگنے پر چاقو کے حملے میں ایک دکاندار زخمی ہوگیا۔
بھارت کے شہر دہلی کے علاقے شاہدرہ میں سندیپ نامی شہری مومو کھانے گیا تھا جہاں اس کا دکاندار سے معمولی بات پر جھگڑا ہو گیا۔ سندیپ نے تھوڑی سی چٹنی کے ساتھ مومو کا آرڈر دیا، اس نے اضافی چٹنی مانگی۔ تو دکاندار نے انکار کر دیا۔
رپورٹ کے مطابق جھگڑا اس حد تک بڑھ گیا کہ دونوں کے درمیان تلخ کلامی ہو گئی، دکاندار نے سندیپ کے چہرے کو چاقو سے زخمی کر دیا اور دکان چھوڑ کر فرار ہو گیا۔
بھارتی میڈیا کے مطابق موقع پر موجود افراد نے زخمی گاہک کو اسپتال منتقل کیا جہاں سندیپ کی حالت خطرے سے باہر ہے جب کہ پولیس نے دکاندار کے خلاف اقدام قتل کا مقدمہ درج کرنے کے بعد ملزم کی تلاش شروع کردی۔