سابق وزیراعظم نواز شریف کے صاحبزادوں حسین نواز اور حسن نواز نے وطن واپسی کا فیصلہ کرتے ہوئے ایون فیلڈ ریفرنس میں جاری مستقل وارنٹ گرفتاری معطل کرنے کے لیے اسلام آباد کی احتساب عدالت میں درخواست دائر کردی۔
ایون فیلڈ ریفرنس میں بڑی پیش رفت ہوئی ہے کہ حسین نواز اور حسن نواز نے احتساب عدالت سے وطن واپسی کا فیصلہ کر لیا ہے۔
اسلام آباد کی احتساب عدالت میں سابق وزیراعظم نواز شریف کے صاحبزادوں حسن اور حسین نواز نے قاضی مصباح ایڈووکیٹ کے ذریعے ایون فیلڈ ریفرنس میں مستقل وارنٹ گرفتاری معطل کرنے کی درخواست دائر کی۔
احتساب عدالت کے جج ناصر جاوید رانا نے ایون فیلڈ ریفرنس میں جاری دائمی وارنٹ گرفتاری معطل کرنے کی درخواست پر سماعت کی۔
قاضی مصباح الحسن ایڈووکیٹ نے مؤقف اختیار کیا کہ حسن اور حسین نواز کو 12 مارچ کو پاکستان آنا ہے، دونوں ملزمان عدالت میں پیش ہو کر خود کو ہتھیار ڈالنا چاہتے ہیں، مستقل وارنٹ گرفتاری معطل کیے جائیں۔
ان کا مزید کہنا تھا کہ نیب نے فلیگ شپ ریفرنس میں دیگر ملزمان کی بریت کے خلاف اپیل واپس لے لی ہے جبکہ دیگر ملزمان کو بھی العزیزیہ ریفرنس میں بری کیا جا چکا ہے۔
احتساب عدالت کے جج ناصر جاوید رانا نے ریمارکس دیئے کہ ان درخواستوں پر تفتیشی افسران کو نوٹس ز جاری کیے جاتے ہیں۔
قاضی مصباح الحسن نے درخواست کی کہ کل کا نوٹس دیا جائے، اسے لاہور سے آنا ہے، مزید 2 درخواستیں ہیں اور انہیں معطل بھی کریں۔
بعد ازاں عدالت نے درخواست منظور کرتے ہوئے تفتیشی افسر کو نوٹس جاری کرتے ہوئے سماعت ایک روز کے لیے ملتوی کردی۔