25.9 C
Karachi
Saturday, February 24, 2024

عالمی عدالت انصاف کے فیصلے کے باوجود اسرائیلی حملے جاری، مزید 183 فلسطینی شہید

ضرور جانیے

غزہ: عالمی عدالت انصاف کے فیصلے کے باوجود غزہ پر اسرائیلی فوج کے حملے نہ رک سکے، صیہونی فوج کی بمباری سے ایک دن میں مزید 183 فلسطینی شہید ہوگئے۔

غزہ سٹی کے علاقے خان یونس میں الاقصیٰ یونیورسٹی، النصر، العمل اور الخیر اسپتالوں کے قریب شدید لڑائی جاری ہے جہاں اسرائیلی فوج کی جانب سے شدید گولہ باری اور فائرنگ کی گئی، نصر کیمپ پر حملے میں 11 فلسطینی جاں بحق ہوگئے جب کہ النصر اسپتال میں بجلی منقطع ہوگئی۔

اسرائیلی حملوں کے نتیجے میں اب تک شہید ہونے والوں کی تعداد 26 ہزار سے زائد ہو چکی ہے جبکہ 64 ہزار سے زائد فلسطینی زخمی اور ہزاروں لاپتہ ہیں جن کے اب بھی ملبے تلے دبے ہونے کا خدشہ ہے۔

فلسطینیوں کی نسل کشی پر اسرائیل کے خلاف عالمی عدالت انصاف کا فیصلہ

گزشتہ روز عالمی عدالت انصاف نے اپنے فیصلے میں اسرائیل کو فلسطینیوں کے خلاف نسل کشی روکنے اور شہریوں کی مدد کے لیے مزید اقدامات کرنے کا حکم دیا تھا۔ کیا کیا

عالمی عدالت انصاف کے 17 رکنی پینل میں سے 16 ججز موجود تھے اور عالمی عدالت انصاف کے صدر نے عبوری فیصلہ سنایا۔

عالمی عدالت انصاف نے جنوبی افریقہ کے مطالبات کو برقرار رکھتے ہوئے کہا کہ اسرائیلی فوج کی بمباری سے 25 ہزار سے زائد فلسطینی شہید ہو چکے ہیں۔ میں تکلیف میں ہوں.

اس حوالے سے فلسطینی وزارت خارجہ کا کہنا تھا کہ یہ فیصلہ اس بات کی یاد دہانی ہے کہ کوئی بھی ریاست قانون سے بالاتر نہیں ہے۔

پاکستان، قطر، سعودی عرب اور فلسطین سمیت دنیا بھر کے ممالک نے اس فیصلے کا خیر مقدم کیا ہے، حماس کا کہنا ہے کہ اس فیصلے سے اسرائیل مزید تنہا ہوجائے گا۔

دوسری جانب غزہ کے حوالے سے امریکا اور یورپی یونین کا منفی کردار بھی سامنے آیا، اسرائیل اب عالمی برادری میں واضح طور پر بے نقاب ہوچکا ہے۔

اقوام متحدہ کے اعلیٰ حکام کا کہنا ہے کہ اسرائیل کے خلاف عالمی عدالت انصاف کے فیصلے سے اتحادیوں کے لیے مشکلات پیدا ہوں گی، اسرائیل کے حامیوں کو اس کا دفاع کرنے میں شرمندگی ہوگی۔

پسندیدہ مضامین

انٹرنیشنلعالمی عدالت انصاف کے فیصلے کے باوجود اسرائیلی حملے جاری، مزید 183...