پاکستانی کرکٹر شعیب ملک کے میچ فکسنگ میں ملوث ہونے سے متعلق خبروں پر بنگلہ دیش پریمیئر لیگ کی ٹیم فارچیون بریسال کے مالک کا بیان سامنے آیا ہے۔
بی پی ایل کے ایک میچ میں شعیب ملک نے لگاتار تین نو گیندیں پھینکیں جس کے بعد میچ فکسنگ کے الزامات سامنے آئے۔
مالک فارچیون بریشال میزان الرحمان نے اپنے بیان میں کہا کہ شعیب ملک کے خلاف میچ فکسنگ سے متعلق افواہیں بے بنیاد ہیں، شعیب ملک اچھے کرکٹر ہیں، انہوں نے ہماری ٹیم کے لیے بہترین کھیل کھیلا ہے۔
مالک فارچیون بریشال نے مزید کہا کہ شعیب ملک سینئر کرکٹر ہیں، ہمیں ان کی عزت کرنی چاہیے اور وہ عزت کے مستحق ہیں۔
یاد رہے کہ شعیب ملک 3 روز قبل بی پی ایل میچ کھیلنے کے بعد ٹی ٹین لیگ کھیلنے کے لیے بنگلہ دیش سے متحدہ عرب امارات گئے تھے۔
شعیب ملک کی ٹیم فارچیون بریسال کے ترجمان کا کہنا ہے کہ شعیب کو اگلے میچ سے قبل واپس آنا تھا لیکن اب انہوں نے کہا ہے کہ وہ 4 فروری کو آئیں گے۔ ٹیم کا خیال ہے کہ شعیب ملک کے لیے بہتر ہے کہ وہ مزید نہ کھیلیں۔