سام سنگ کے نئے موبائل فون ‘ایس 24’ کی تصاویر اور خصوصیات ریلیز سے قبل ہی لیک ہو گئیں

سام سنگ کے موبائل فونز کی نئی فلیگ شپ سیریز کی مبینہ تصاویر انٹرنیٹ پر لیک ہوگئی ہیں جس میں نئے موبائل فونز کے ممکنہ 4 رنگ صارفین کی توجہ کا مرکز بن گئے ہیں۔

معروف موبائل مینوفیکچرنگ کمپنی ‘سام سنگ’ کی جانب سے آئندہ ماہ اپنا نیا فلیگ شپ موبائل فون ‘ایس 24’ متعارف کرائے جانے کا امکان ہے لیکن اس سے قبل بھی موبائل کی خصوصیات انٹرنیٹ پر لیک ہو چکی ہیں۔

تفصیلات کے مطابق سام سنگ کے نئے موبائل فونز کی فلیگ شپ سیریز کی مبینہ تصاویر انٹرنیٹ پر لیک ہوگئی ہیں جس میں نئے موبائل فونز کے ممکنہ 4 رنگ صارفین کی توجہ کا مرکز بن گئے ہیں جن میں “اونیکس بلیک، کوبالٹ وائلٹ، ماربل گرے” شامل ہیں۔ اور امبر پیلا شامل ہے.

اس کے علاوہ یہ دعویٰ بھی کیا جارہا ہے کہ سام سنگ گلیکسی 24 کے لیے 3 اضافی خصوصی رنگ متعارف کرائے جاسکتے ہیں جن میں گرین، بلیو اور اورنج شامل ہیں۔

نئے موبائل فون کے ڈیزائن کے بارے میں معلومات سے پتہ چلتا ہے کہ اس کے کنارے گول ہوں گے جبکہ اسے فلیٹ میٹل فریم میں بنایا جائے گا۔

لیک ہونے والی تصاویر کے مطابق موبائل فون کے رئیر کیمروں کا ڈیزائن پچھلے ماڈل ایس 23 جیسا ہی ہوگا، موبائل فون کی اسٹینڈرڈ ریم 8 جی بی تک جا سکتی ہے اور ٹاپ آف دی لائن ورژن 12 جی بی تک جا سکتا ہے جب کہ بنیادی ماڈل میں موبائل ہے فون میں اسٹوریج کی جگہ 128 جی بی ہوسکتی ہے۔

موبائل فون کی ممکنہ بیٹری 4000 ایم اے ایچ تک ہوسکتی ہے اور اس کے ساتھ 25 واٹ کا فاسٹ چارجر بھی دیا جاسکتا ہے۔