افغانستان میں طالبان حکومت کے مرکزی ترجمان ذبیح اللہ مجاہد نے ایک بار پھر پاک افغان تعلقات کے حوالے سے بیان جاری کیا ہے۔
ذبیح اللہ مجاہد کے مطابق امارت اسلامیہ افغانستان اپنے تمام پڑوسیوں بشمول پاکستان کے ساتھ بہتر تعلقات چاہتی ہے۔ حالیہ دنوں میں پاکستانی افسران کی طرف سے افغانستان کے خلاف جو بیانات دیے گئے ہیں. وہ افسوسناک ہیں۔ ان کا کہنا تھا کہ. ہم اس بات کو یقینی بنانے کی کوشش کر رہے ہیں کہ. افغان سرزمین پاکستان یا کسی دوسرے ملک کے خلاف استعمال نہ ہو۔
ہم اس معاملے میں سنجیدہ ہیں۔ انہوں نے مزید کہا کہ امارت اسلامیہ اپنے ملک کے اندر امن و استحکام کو اہمیت دیتی ہے .اور اس کے ساتھ ساتھ پورے خطے میں امن و استحکام چاہتی ہے. اور اس سلسلے میں اپنا پسینہ بہاتی رہے گی۔ واضح رہے کہ حال ہی میں وزیر داخلہ رانا ثناء اللہ نے ایک انٹرویو میں کہا تھا کہ اگر افغانستان کالعدم تحریک طالبان پاکستان کے ٹھکانوں کے خلاف کارروائی نہیں کرتا تو پاکستان بھی افغانستان میں کالعدم ٹی ٹی پی کے ٹھکانوں کو نشانہ بنا سکتا ہے۔