30.9 C
Karachi
Thursday, June 13, 2024

پاک سری لنکا میچ کے اوورز مزید کم کر دیےگئے

ضرور جانیے

پاکستان اور کولمبو کے درمیان ہونے والے سری لنکا میچ کے اوورز مزید کم کر دیے گئے ہیں۔

تفصیلات کے مطابق کولمبو میں بارش رکنے کے بعد پاکستان کی اننگز دوبارہ شروع ہوگئی ہے تاہم فی اننگز اوورز مزید کم کردیے گئے ہیں۔

پاکستان کی اننگز میں ایک اور بارش کے وقفے کے باعث دونوں ٹیموں کی اننگز 42، 42 اوورز تک محدود ہو گئی ہے۔ اس سے قبل جب بارش کی وجہ سے میچ روک دیا گیا تھا تو پاکستانی ٹیم 130 رنز پر 5 وکٹیں گنوا چکی تھی۔

بارش کی وجہ سے تاخیر سے شروع ہونے کی وجہ سے میچ 45 اوورز فی اننگز تک محدود کردیا گیا تھا۔

کولمبو میں کھیلے جا رہے سری لنکا کے خلاف میچ میں پاکستان کا آغاز اچھا نہیں رہا۔ عبداللہ شفیق اور فخر زمان کو مشکلات کا سامنا کرنا پڑا، فخر زمان کو 5 ویں اوور میں پرمود مدھوشن نے کلین بولڈ کیا۔

شراکت

بابر اعظم اور عبداللہ شفیق کے درمیان 50 سے زائد رنز کی شراکت قائم ہوئی، بابر اعظم 29 رنز بنا کر پویلین لوٹ گئے۔

عبداللہ شفیق بھی 52 رنز بنا کر آؤٹ ہوئے۔ محمد حارث نے پریتھانا کی گیند پکڑی۔ حارث صرف 3 رنز بنا سکے۔ محمد رضوان اور محمد نواز اس وقت کریز پر موجود ہیں۔ میچ میں قومی ٹیم کے کپتان بابر اعظم نے ٹاس جیت کر پہلے بیٹنگ کا فیصلہ کیا۔

بابر اعظم نے کہا کہ گزشتہ روز اعلان کردہ ٹیم میں مزید دو تبدیلیاں کی گئی ہیں، امام الحق کو کمر میں درد ہے جبکہ سعود شکیل بخار کی وجہ سے پلیئنگ الیون کا حصہ نہیں ہیں۔

اس موقع پر سری لنکن کپتان داسن شناکا کا کہنا تھا کہ پاکستانی بیٹنگ لائن میں جلد وکٹیں حاصل کرکے کم سے کم ہدف کو برقرار رکھنے کی کوشش کریں گے۔

انہوں نے کہا کہ ٹیم میں دو تبدیلیاں کی گئی ہیں، کوشل پریرا اور پرمود مدھوشن کو اسکواڈ میں شامل کیا گیا ہے۔

اس سے قبل میچ کا ٹاس بارش کے باعث تاخیر کا شکار ہوا جس کے باعث امپائر نے دونوں ٹیموں کے درمیان مقابلے کو 45، 45 اوورز تک محدود کردیا۔

دوسری جانب اگر سری لنکا کے خلاف میچ بارش کی نذر ہو جاتا ہے یا سری لنکا جیت جاتا ہے تو وہ فائنل کے لیے کوالیفائی کر لے گا اور قومی ٹیم کا سفر ختم ہو جائے گا۔ پاکستان اور سری لنکا کے درمیان میچ جیتنے والی ٹیم 17 ستمبر کو ایونٹ کے فائنل میں بھارت سے مقابلہ کرے گی۔

پسندیدہ مضامین

کھیلپاک سری لنکا میچ کے اوورز مزید کم کر دیےگئے