30.9 C
Karachi
Thursday, June 13, 2024

فلسطین کے معصوم شہداء کے نام

ضرور جانیے

اے پھول سے معصوم شہیدوں تمھیں سلام
غزہ کے شجاعت کے پہاڑوں تمھیں سلام

کس شان سے تم کلمہ توحید پہ جمے

ایمان اور یقیں کی چٹانوں تمھیں سلام

رکھ لی ھے لاج تم نے حمزہ و حسین کی
شیر خدا صحابہ کے پیرو تمھیں سلام

امت کو تم نے غیرت و استقلال سکھایا
چھوٹی عمر کے اے بڑے رہرو تمھیں سلام

تم نے جھنجھوڑ ڈالا ھے امت کے بڑوں کو
تاریخ شہداء کے رقم طرازوں تمھیں سلام

کس منہ سے کہیں ھم کہ مسلمان ھیں ھم بھی
بھولا سبق یاد دلانے والوں تمھیں سلام

رب سے ھمارا شکوہ نہ کردینا خدارا

جنت کے باغ کی اے قندیلوں تمھیں سلام

تم معاف کرکے جانا ھم کچھ نہ کرسکے
شرمندہ بھت ھیں اے معصوم فرشتوں تمھیں سلام

ھم کو دعا یہ دے دو کہ اب جاگ جائیں ھم
اے صبر کی ھمت کی کتابوں تمھیں سلام

اب مسجد اقصی بھی بھت ناز کرے گی
باطل کے آگے ڈٹنے والوں تمھیں سلام

اسلام کی چوٹی کا عمل نذرانہ جاں ھے
اسلام کے خاطر اے مٹنے والوں تمھیں سلام

اللہ کی محبت تمھیں ماؤں نے سکھائی
ایمان کی مضبوط اے روحوں تمھیں سلام

اللہ سے دعا ھے کہ ھم بھی ھوں سرخرو
اے سرخرو ھوکے جانے والوں تمھیں سلام

کلام اھلیہ ڈاکٹر عثمان انور

پسندیدہ مضامین

شاعریفلسطین کے معصوم شہداء کے نام